مكان موجود بطول العصور
فيه الجناين و الفيلال و القصور
و غلابة في عز البرد نايمة جمب السور
و كانت بلدي هي المكان
و طول مانا عايش فيكي يا بلدي بشوف الزبالة!
فيكي الزبالة في السياسة
و الزبالة في المجلس و الرياسة
و في اعلام و أفلام نجاسة
و الزبالة اللي سدت جوع الفقير الغلبان
ووقت مازاد العذاب
قامت ثورة ضد الكلاب
ماهو انا اصلي يا عمي ثوري ... قبل مايطلعلي شنبات
و فضلت ثوري....لغايت ما الشعر شاب
و عارف!؟
انا لسا شاب
و تحت العشرين كمان
دا مشهد الأعلامي....عما عيون العبيد
و صوت المذيعة العذب....صم ودانهم اكيد
و كا ماياخد على قفاه يسأل....
هل من مزيد!؟
فتنزل عليه الايادي بالضرب في كل مكان
يقول للأيادي تسلم
مع انه لسا جعان!!
بس انا صم وداني صوت الرصاص
و عمة عيني طلقة من قناص
انا اللي علا صوتو و هو مقطوع اللسان
افسدت هدوء مخيم
صنعته الجرزان
انا اللي فتشت ع القلم وسط العقول الساهية
و كتبت قصيدة شعر تودي في داهية
ماهو انا اصلي ياعمي لما روحت في داهية
لاقيتها احلى من المكان
اهداء لمن زارو الشوارع وقت لا وجود الا للرجال...
الدبلوماسي
الجندي المجهول
كلام جميل جدا و قوى و معبر عن اللى إحنا فيه
ردحذف